అసాధారణ గర్భాశయ రక్తస్రావానికి సాధారణ కారణాలు

ఈ లక్షణాలు ఉన్నప్పుడు గర్భాశయ రక్తస్రావాన్ని అసాధారణమైనదిగా పిలుస్తారు. 

• 7 రోజుల కంటే ఎక్కువ కాలం కొనసాగే రక్తస్రావం
• ప్రతి 21 రోజులకు ముందు (చిన్న చక్రం) లేదా ప్రతి 35 రోజుల తర్వాత (దీర్ఘ చక్రం) రక్తస్రావం కావడం
• మెనోపాజ్ తర్వాత రక్తస్రావం (మెనోపాజ్ అంటే ఒక సంవత్సరం పాటు రుతుస్రావం ఆగిపోవడం)
• సంభోగం తరువాత రక్తస్రావం
• సాధారణ క్రమమైన నెలసరి చక్రాల మధ్యలో రక్తస్రావం 

ఈ రోజుల్లో సర్వసాధారణంగా కనిపించే సమస్య పాలిసిస్టిక్ ఓవరీస్, దీనివల్ల అసాధారణ రక్తస్రావం జరుగుతుంది. ఇది 14 నుండి 25 సంవత్సరాల వయస్సు వారిలో కనిపిస్తుంది. దీనిని సాధారణంగా క్రమం తప్పని వ్యాయామం ద్వారా నియంత్రించవచ్చు. 

మెనోపాజ్‌లో రక్తస్రావం క్యాన్సర్‌కు మొదటి సంకేతం కావచ్చు, కాబట్టి దీనిని క్షుణ్ణంగా పరిశీలించాలి. సంభోగం తర్వాత రక్తస్రావం కూడా గర్భాశయ ముఖద్వార క్యాన్సర్‌కు మరో ప్రమాదకరమైన సంకేతం. 

ఫైబ్రాయిడ్లు, పాలిప్స్, అండాశయ కణితి వంటి ఇతర కారణాలు సాధారణంగా పునరుత్పత్తి వయస్సులో ఉన్నవారిలో సంభవిస్తాయి. రోగ నిర్ధారణకు రావడానికి చేసే పరీక్షలు సులభంగా ఉంటాయి.

• పాప్ స్మెర్
• ట్రాన్స్వాజినల్ అల్ట్రాసౌండ్
• హార్మోన్ల పరీక్ష 

      చికిత్స అనేది నిర్ధారించబడిన వ్యాధి పరిస్థితిపై ఆధారపడి ఉంటుంది. వ్యాధిని నయం చేయడం కంటే నివారించడమే మేలు. సంవత్సరానికి ఒకసారి లేదా కనీసం రెండు సంవత్సరాలకు ఒకసారి క్రమం తప్పకుండా ఆరోగ్య పరీక్షలు చేయించుకోవడం వ్యాధి నివారణకు ఎంతగానో దోహపడుతుంది. 

అపోలో ఉమెన్స్ హాస్పిటల్స్, చెన్నైకి చెందిన సీనియర్ కన్సల్టెంట్ ప్రసూతి మరియు గైనకాలజిస్ట్ డాక్టర్ వినూత అరుణాచలం గారి అంతర్దృష్టులతో

విచారణలు లేదా అపాయింట్‌మెంట్‌ల కోసం: +044 40401066.