Варикоцелектомија

Варикоцелектомијата е убедливо најчесто изведуваната операција за третман на машка неплодност. Целта на третманот на варикоцелата е да се опструира рефлуксната венска дренажа до тестисот, а воедно да се одржи артерискиот прилив и лимфната дренажа.

Во принцип, поправката на варикоцелата треба да го запре секое понатамошно оштетување на тестикуларната функција,1 а кај голем процент од мажите резултира со подобрена сперматогенеза, како и со зголемена функција на Лајдиговите клетки. Затоа, уролозите имаат потенцијално важна улога во спречувањето на идната неплодност, што ја нагласува важноста на користењето на техниката на варикоцелектомија што го минимизира ризикот од компликации и рецидив.